ՌԴ ԱԳ նախարար Սերգեյ Լավրովի ճեպազրույցը օդանավակայանում | ՈւՂԻՂ
▲ Դեպի վեր
  • Երեվան 2°C
    93%
    3 կմ/ժ
  • Շիրակ 1°C
    90%
    3 կմ/ժ
  • Լոռի 1°C
    72%
    9 կմ/ժ
  • Տավուշ 7°C
    57%
    3 կմ/ժ
  • Արարատ 2°C
    93%
    3 կմ/ժ
  • Սյունիք 8°C
    54%
    0 կմ/ժ
  • Արմավիր 2°C
    93%
    1 կմ/ժ
  • Գեղարքունիք 2°C
    93%
    10 կմ/ժ
  • Արագածոտն 2°C
    93%
    1 կմ/ժ
  • Կոտայք 2°C
    93%
    1 կմ/ժ
  • Արցախ 7°C
    59%
    1 կմ/ժ
:
  • Եվրո = 611.7205
  • Ռուբլի = 6.6844
  • Դոլար = 509.758

ՌԴ ԱԳ նախարար Սերգեյ Լավրովի ճեպազրույցը օդանավակայանում | ՈւՂԻՂ

ՌԴ արտգործնախարար Սերգեյ Լավրովը այսօր Երևանից մեկնելիս օդանավակայանում ճեպազրույցի ժամանակ հայտարարել է.

«ՌԴ նախագահ Վլադիմիր Պուտինի ու ՀՀ վարչապետ Նիկոլ Փաշինյանի պայմանավորվածության համաձայն՝ Ռուսաստանի միջգերատեսչական պատվիրակության այցը Երևան ներառում է մեր երկու երկրների հարաբերությունների ամբողջ սպեկտրը: Պատվիրակության կազմում են ՌԴ երկու փոխվարչապետները՝ Նովակն ու Օվերչուկը, ՌԴ առողջապահության նախարարը, «Ռոսպոտրեբնադզորի» ղեկավարը, «Ռուսաստանի երկաթուղիների» ղեկավարը, ֆինանսների նախարարության ղեկավարության ներկայացուցիչը:  Զուգահեռաբար՝ այս պատվիրակության հետ հանդիպումներ են եղել ՀՀ ղեկավարության, ՌԴ պաշտպանության նախարար Սերգեյ Շոյգուի և ՌԴ ԱԻ նախարար Եվգենի Զինիչևի հետ:

Այստեղ ներկայացված բոլոր գերատեսչությունների հետ մենք համապարփակ բանակցություններ ենք ունեցել: Հիմնականում ուշադրություն ենք դարձրել Լեռնային Ղարաբաղում ռազմական գործողությունները դադարեցնելու վերաբերյալ ՌԴ-ի, Հայաստանի ու Ադրբեջանի ղեկավարների նոյեմբերի 9-ի համատեղ հայտարարության հստակ ու լիակատար իրականացման ապահովմանն ու քաղաքացիական բնակչությանն օգնելու նպատակով խաղաղապահ գործողությունների իրականացմանն առնչվող խնդիրներին:  

Բոլորն այս հայտարարությունը ճանաչել են այլընտրանք չունեցող ճանապարհ՝ իրավիճակի կարգավորման համար, որը մի քանի շաբաթ առաջ առավել սրված բնույթ էր ստացել: Միանշանակ ընդգծվել է, որ այս հայտարարությունը ոչ միայն երկրի ներսում, այլև՝ արտերկրում կասկածի տակ դնելու փորձերն անընդունելի են: Մենք հաստատել ենք ամեն ինչ անելու մեր վճռականությունը, որ այս հայտարարությունը շարունակի աշխատել:

Հանդիպել ենք նաև ՀՀ նախագահի հետ: Ե՛վ նախագահը, և՛ ՀՀ վարչապետն ընդգծել են, որ այս հայտարարությունն օգնել է կարգավորել լրջագույն խնդիրներ, օգնել է կյանքեր փրկել: Նրանք կնպաստեն այն ամենին, որպեսզի այս պայմանավորվածությունն այսուհետև իրականացվի: Նրանք բարձր են գնահատել ռուս խաղաղապահների աշխատանքը և արդեն գործունեությունը սկսող մարդասիրական արձագանքման միջգերատեսչական կենտրոն ստեղծելու վերաբերյալ ՌԴ նախագահի հրամանագիրը:  

Խոսել ենք երկկողմ ընթացիկ գործերի մասին՝ այդ թվում նաև (երբ ավարտվեն կորոնավիրուսի համավարակով պայմանավորված սահմանափակումները) առևտրատնտեսական համագործակցության հարցով միջպետական հանձնաժողովի հերթական 20-րդ նիստի անցկացման, Ռուսաստանի ու Հայաստանի շրջանների միջտարածաշրջանային ֆորումի, նաև խորհրդարանի ու առանձին գերատեսչությունների գծով ծրագրերի մասին»,- ասել է ՌԴ արտգործնախարար Սերգեյ Լավրովը:

Թեմայի այլ նորություններ