Գագիկ Ջհանգիրյանը պաշտո՞ն կստանա. «Իմ քայլը» խմբակցությունում ընտրությունը կանգ է առել նրա վրա. armtimes.com
▲ Դեպի վեր
  • Երեվան -13°C
    78%
    2 կմ/ժ
  • Շիրակ -20°C
    77%
    6 կմ/ժ
  • Լոռի -20°C
    77%
    6 կմ/ժ
  • Տավուշ 1°C
    72%
    19 կմ/ժ
  • Արարատ -13°C
    78%
    1 կմ/ժ
  • Սյունիք 4°C
    64%
    13 կմ/ժ
  • Արմավիր -13°C
    78%
    1 կմ/ժ
  • Գեղարքունիք -13°C
    78%
    13 կմ/ժ
  • Արագածոտն -13°C
    78%
    1 կմ/ժ
  • Կոտայք -13°C
    78%
    2 կմ/ժ
  • Արցախ 3°C
    64%
    7 կմ/ժ
:
  • Եվրո = 629.3605
  • Ռուբլի = 6.88082
  • Դոլար = 518.444

Գագիկ Ջհանգիրյանը պաշտո՞ն կստանա. «Իմ քայլը» խմբակցությունում ընտրությունը կանգ է առել նրա վրա. armtimes.com

Գագիկ Ջհանգիրյանը պաշտո՞ն կստանա. «Իմ քայլը» խմբակցությունում ընտրությունը կանգ է առել նրա վրա. armtimes.com

«Իմ քայլը» խմբակցությունում կարծես թե արդեն եկել են ընդհանուր որոշման, որ Բարձրագույն դատական խորհրդի անդամի թափուր պաշտոնում պետք է առաջադրել ՀՀ նախկին զինդատախազ, ՀՀ գլխավոր դատախազի նախկին տեղակալ Գագիկ Ջհանգիրյանի թեկնածությունը:  Իրավաբանական գիտությունների թեկնածու, 65-ամյա Գագիկ Ջհանգիրյանը 2012 թվականին Հայ ազգային կոնգրես կուսակցությունների դաշինքի համամասնական ցուցակով նաեւ ԱԺ պատգամավոր է եղել: «Իմ քայլը» խմբակցությունում, իհարկե, հասկանում են, որ ԲԴԽ անդամի պաշտոնում նրա առաջադրման որոշումը միանշանակ չի ընդունվելու հանրության մի հատվածի կողմից, սակայն որոշել են առաջնությունը այս պարագայում տալ մասնագիտական հմտություններին:

ՀԺ-ի ունեցած տեղեկություններով՝ ԱԺ «Իմ քայլը» խմբակցությունը արդեն բավական երկար ժամանակ է՝ քննարկում է թափուր պաշտոնը լրացնելու թեկնածություններ: Վաղը խմբակցությունը նախատեսում է ԱԺ-ում հանդիպում ունենալ Ջհանգիրյանի հետ, որից հետո նրա թեկնածությունը առաջադրելու մասով վերջնական որոշում կկայացվի: ԲԴԽ 5 անդամին, ինչպես հայտնի է, ընտրում է Ազգային ժողովը: Մյուս 5 անդամները ընտրվում են դատավորների ընդհանուր ժողովի կողմից, որոնց ընտրության արդյունքում ապահովվում է բոլոր դատական ատյանների ներկայացվածությունը:

Հիշեցնենք, որ նոյեմբերի 23-ին դադարեցվել են ԲԴԽ նախկին անդամ Հայկ Հովհաննիսյանի լիազորությունները: ԲԴԽ մեկ այլ անդամի՝ Արմեն Հայկյանցի թեկնածությունն էլ, ի թիվս 4 այլ մասնագետների, առաջադրվել է Վճռաբեկ դատարանի նախագահի պաշտոնում: Նա այս պահին ԲԴԽ անդամի ժամանակավոր պաշտոնակատար է:

Թեմայի այլ նորություններ