Սվետլանա Տիխանովսկայա․ Այս շրջանում ես պատրաստ եմ հանդես գալ որպես ազգային առաջնորդ: Նրա տեսաուղերձը հրապարակվել է «Երկիր հանուն կյանքի» YouTube-յան ալիքում:
«Մենք բոլորս ցանկանում ենք դուրս գալ այս անվերջ շրջանից, որի մեջ ենք հայտնվել 26 տարի առաջ։ Ես պատրաստ եմ պատասխանատվություն ստանձնել և այս ժամանակահատվածում հանդես գալ որպես ազգային առաջնորդ, որպեսզի երկիրը հանդարտվի, մտնի նորմալ ռիթմի մեջ, որպեսզի ազատենք բոլոր քաղբանտարկյալներին ու նախապատրաստենք ամենակարճ ժամկետում օրենսդրական բազա և նոր նախագահական ընտրությունների կազմակերպման պայմաններ՝ իրական, արդար և թափանցիկ ընտրությունների, որոնք անվերապահորեն կընդունվեն միջազգային հանրության կողմից»,- հայտարարել է Տիխանովսկայան։
Նրա խոսքով՝ բելառուսներն ամբողջ աշխարհին ցուցադրում են իրենց հավատարմությունը ոչ բռնի դիմադրության գաղափարներին։ «Այս ազդանշանները անպայման լսելի կլինեն և մենք մեր շարքերում կողմնակիցներ կունենանք ամբողջ աշխարհում, որոնք մեզ կօգնեն հաղթահարել այս բարդ շրջանը»,- շեշտել է Տիխանովսկայան։
