Մոտենում է համահայկական մեծ դրամահավաքը եւ մեր տեղական մարմինները պատրաստվում են դրան։ Այս մասին այսօր կայացած ասուլիսի ժամանակ ասաց «Հայաստան» համահայկական հիմնադրամի տնօրեն Հայկակ Արշամյանը։
«Հեռուստամարաթոնն այս տարի տեղի կունենա նոյեմբերի 26-ին՝ Լոս Անջելեսում։ ԱՄՆ-ում այս տարի կարճ կլինի՝ 10-12 ժամ չի տեւի, որովհետեւ շատ հստակ են նպատակները, ուղղությունները։ Եվրոպայում նոյեմբերի 19-ից 22-ը՝ ֆոնեթոնի տարբերակով՝ զանգով կլինի։ Եվրոպայում կլինի՝ Ֆրանսիայում, Բելգիայում, Նիդերլանդներում, Շվեյցարիայում, Իտալիայում, Հունաստանում։ Շվեդիայում դեկտեմբերին կլինի»,- ասաց Արշամյանը։