Երևանի քաղաքապետարանի կայքում կհրապարակվի հաշվիչ, որ թույլ կտա ֆինանսական տեսանկյունից պլանավորել հանրային տրանսպորտից օգտվելը։
Այս մասին ավագանու նիստում հայտարարեց Երևանի քաղաքապետ Տիգրան Ավինյանը։
«Ուզում եմ մի բան հորդորել՝ ինքներդ ծանոթացեք նախագծին: Շուտով կայքում կհրապարակենք մի հաշվիչ, որը թույլ կտա ֆինանսական տեսանկյունից պլանավորել հանրային տրանսպորտից օգտվելը: Վստահեցնում եմ՝ այն ահասարսուռ և վախենալու թանկացումները, որի մասին բարձրաձայնվում է, ուղղակի իրականությանը չեն համապատասխանում»,- ասաց նա:
Հիշեցնենք՝ Երևանի ավագանին 32 կողմ, 2 դեմ ձայներով ընդունեց տրանսպորտի սակագնին վերաբերող նախագիծը։
