UN Women-ի ներկայացուցիչը ԱՍՀ նախարարին իր ուրախությունն է հայտնել Հայաստանում կանանց հզորացման կապակցությամբ
▲ Դեպի վեր
  • Երեվան 22°C
    35%
    7 կմ/ժ
  • Շիրակ 16°C
    55%
    24 կմ/ժ
  • Լոռի 14°C
    86%
    7 կմ/ժ
  • Տավուշ 17°C
    83%
    5 կմ/ժ
  • Արարատ 23°C
    43%
    3 կմ/ժ
  • Սյունիք 18°C
    59%
    4 կմ/ժ
  • Արմավիր 23°C
    35%
    7 կմ/ժ
  • Գեղարքունիք 12°C
    77%
    8 կմ/ժ
  • Արագածոտն 21°C
    35%
    7 կմ/ժ
  • Կոտայք 19°C
    50%
    7 կմ/ժ
  • Արցախ 16°C
    67%
    3 կմ/ժ
:
  • Եվրո = 415.7306
  • Ռուբլի = 6.44364
  • Դոլար = 408.2

UN Women-ի ներկայացուցիչը ԱՍՀ նախարարին իր ուրախությունն է հայտնել Հայաստանում կանանց հզորացման կապակցությամբ

UN Women-ի ներկայացուցիչը ԱՍՀ նախարարին իր ուրախությունն է հայտնել Հայաստանում կանանց հզորացման կապակցությամբ

Աշխատանքի և սոցիալական հարցերի նախարար Նարեկ Մկրտչյանը երեկ հանդիպել է ՄԱԿ-ի Գենդերային հավասարության և կանանց հզորացման կառույցի (UN Women)  ներկայացուցիչ Կաորի Իսիկավայի հետ։ Այս մասին տեղեկացրին ՀՀ աշխատանքի և սոցիալական հարցերի նախարարությունից (ԱՍՀՆ)։

«Կողմերն անդրադարձել են նախարար Նարեկ Մկրտչյանի՝ Նյու-Յորք կատարած այցի շրջանակում կազմակերպության գործադիր տնօրենի տեղակալ, գլխավոր քարտուղարի օգնական Օսա Ռեգների հետ հանդիպման ընթացքում քննարկված UN Women-ի Հայաստանում ներգրավվածությունը մեծացնելու և համատեղ ծրագրեր իրականացնելու հնարավորությանը։ Քննարկվել են նաև «Կանանց տնտեսական զորեղացում Հարավային Կովկասում» (WEESC) տարածաշրջանային ծրագրի շրջանակում Հայաստանում կանանց զբաղվածության ապահովման տեխնիկական աջակցության հնարավորություններին վերաբերող մի շարք հարցեր։ Կարևորվել է գենդերային ազդեցության գնահատման (GIA) ու գենդերային ինտեգրման կարողությունների զարգացման մոդուլների հարմարեցման ուղղությամբ համատեղ աշխատանքների իրականացումը»,- ասվում է հաղորդագրության մեջ։

Ըստ աղբյուրի՝ բարձր գնահատելով կառույցի գործունեությունը տարբեր երկրներում կանանց զորեղացման և գենդերային հավասարության ապահովման գործում՝ նախարար Նարեկ Մկրտչյանը շեշտել է հասարակական կյանքի բոլոր ոլորտներում կանանց և տղամարդկանց իրավունքների ու հնարավորությունների իրացման ուղղությամբ համատեղ ծրագրերի դերը։ Այս համատեքստում նախարարն ընդգծել է կանանց աքսելերատոր ծրագրի կարևորությունը՝ վերջիններիս ձեռներեցությունը խթանելու, մասնագիտական հմտությունները զարգացնելու, միջին և փոքր բիզնեսներին աջակցելու տեսանկյունից։ Կանանց և աղջիկների կարողությունների զարգացման, նրանց հնարավորությունների բացահայտման և օգտագործման գործում նախարարը շեշտել է նաև գենդերազգայուն տվյալների հավաքագրման արդյունավետ մեխանիզմների անհրաժեշտությունը։

«Քաջատեղյակ ենք ՄԱԿ-ի Գենդերային հավասարության և կանանց հզորացման կառույցի կողմից Հարավային կովկասում իրականացվող ծրագրերին, որոնք կարևոր ազդեցություն ունեն ոլորտի համար։ Որպես գենդերային քաղաքականությունը մշակող հիմնական պետական գերատեսչություն՝ Աշխատանքի և սոցիալական հարցերի նախարարությունը կարևորում է կանանց տնտեսական զորեղացումը և պատրաստ է ավելի սերտ համագործակցության»,- նշել է նախարարը։

Նշվում է, որ Կաորի Իսիկավան ևս բարձր է գնահատել ԱՍՀՆ հետ համագործակցության, մասնավորապես՝ կանանց և աղջիկների հզորացմանն ուղղված համատեղ միջոցառումների իրականացումը․ «Կարևորում ենք Աշխատանքի և սոցիալական հարցերի նախարարության դերը՝ կանանց աքսելերատոր ծրագրի իրականացման գործում։ Տարիներ առաջ մեր կազմակերպությունը փոքր դրամաշնորհներ էր տալիս կանանց, և դրանք ուղղված էին փոքր ու ավանդական ոլորտներին։ Բայց հիմա ուրախալի է տեսնել կանանց հզորացումն ու զորեղացումը, ինչպես նաև նրանց ակտիվությունը ձեր երկրում»։

Հանդիպման ընթացքում ընդգծվել է նաև երկկողմ պատրաստակամությունը՝ համագործակցության ընդլայնմանն ուղղված անհրաժեշտ քայլերի իրականացման համար։

Թեմայի այլ նորություններ