Հայաստան 3-րդ նախագահի գրասենյակից հայտնում են, որ «Սերժ Սարգսյանը սկսում է պատասխանել հանրությանը հետաքրքրող հարցերին, ինչպես խոստացել էր»:
«Խոսենք անկեղծ. Սերժ Սարգսյանն Ապրիլյան պատերազմի մասին» խորագրով հրապարակվող կարճ տեսանյութերը`2018 թվականից ի վեր Սերժ Սարգսյանի առաջին եւ անմիջական հաղորդակցությունն են լինելու հանրության հետ:
«Համաճարակի պատճառով մեր երկրում անընդհատ երկարաձգվող արտակարգ դրությունը անհնարին է դարձրել մամուլի ասուլիսի ձեւաչափով հանդիպման կազմակերպումը, ինչի պատճառով ընտրվեց կարճ տեսանյութերի ձեւաչափը։
Այն չի փոխարինելու նախատեսվող ավանդական մամուլի ասուլիսներին, այլ ընդամենը առկա իրավիճակում նախորդելու է դրանց:
Սերժ Սարգսյանի ցանկությունն է, որ յուրաքանչյուր քաղաքացի հնարավորություն ունենա հանրային հետաքրքրություն ունեցող հարցերի վերաբերյալ անձամբ իրենից լսելու, թե ինչ է եղել իրականում` փաստարկված ներկայացնելով իրողությունները, ինչպես նաեւ իր պատկերացումները մեր երկրի ապագայի վերաբերյալ»,- հայտնել են նախկին նախագահի գրասենյակից:
