Ձեր ուշադրությանն ենք ներկայացնում այսօրվա ուշագրավ և կարևոր իրադարձությունների ամփոփ լրահոսը մեկ հոդվածով․
- Ցավալի լուր սահմանից․ մարտական դիրքում, հակառակորդի կողմից դիպուկահար հրազենից արձակված կրակոցից մահացու հրազենային վիրավորում է ստացել պայմանագրային զինծառայող Աշոտ Գևորգի Միքայելյանը:
- Հուլիսի 27-ի, ժամը 11:00-ի դրությամբ հաստատվել է կորոնավիրուսային հիվանդության 73 նոր դեպք և 187 առողջացած, մահվան դեպքերը 7-ն են, որոնցից մեկը այլ հիվանդությունից։ Արցախում նոր կորոնավիրուսային վարակ է հաստատվել 3 քաղաքացու մոտ։ Կորոնավիրուսային համավարակը Հայաստանի տուրիզմի ոլորտում հանգեցրել է ծանր հետեւանքների։
- Զինծառայողների ապահովագրության հիմնադրամին 55 երկրից կատարվել է շուրջ 313 մլն դրամ նվիրաբերություն։ Շուրջ 800,000 ԱՄՆ դոլար. «Հայաստան» հիմնադրամն ամփոփում է առցանց դրամահավաք-արշավի արդյունքները
- ԱՄՆ Ներկայացուցիչների պալատը քվեարկել է Լեռնային Ղարաբաղում ականազերծման ծրագրի ֆինանսավորման օգտին
- Տավուշի մարզում արկեր են հայտնաբերվել, որոնց կիրառումը խաղաղ բնակչության նկատմամբ արգելվում է միջազգային կոնվենցիաներով։ Պետք է պատրաստվել ադրբեջանա-ղարաբաղյան հակամարտության նոր շրջափուլի. Աշոտ Ղուլյան։ Ադրբեջանը հրապարակայնորեն պետք է հրաժարվի ուժի կիրառումից. ԱԳՆ մամուլի խոսնակ։ ԱՀ անվտանգության խորհրդի քարտուղար Սամվել Բաբայանի հայտարարությունը ՀՀ ազգային անվտանգության նոր ռազմավարության վերաբերյալ։ Պուտինը և Էրդողանը քննարկել են հայ-ադրբեջանական սահմանին տիրող իրավիճակը։
- Ստամբուլում ադրբեջանցիները հայ երիտասարդի են ծեծի ենթարկել։ Գերմանիայում ՀՀ դեսպանը կոչ է անում չտրվել ադրբեջանցիների հրահրած սադրանքներին
- Քաղավիացիայի կոմիտեն նոր գլխավոր քարտուղար ունի
- Հայկ Սարգսյանն արդեն տուգանվել է. նա ներողություն է խնդրում ՀՀ պարետատնից ու իր քաղաքական թիմից
- Բացահայտվել են ՀՀ ՊԵԿ մաքսային ծառայության պաշտոնատար անձանց կողմից խոշոր չափերով կաշառք ստանալու և պաշտոնական փաստաթղթերում ակնհայտ կեղծ տեղեկություններ ներառելու դեպքեր։ «Հարսնաքար» ռեստորանահյուրանոցային համալիրի գործադիր մարմնի ղեկավարի նկատմամբ բռնություն գործադրելու, ազատությունից ապօրինի զրկելու, ունեզրկելու գործով հինգ հետախուզվողներից մեկը հայտնաբերվել է
- Որոշ կայքեր սկսել են առաջարկել ՌԴ-ից ՀՀ կանոնավոր չվերթների տոմսեր. դեսպանության նախազգուշացումը
- Նախագահ Արմեն Սարգսյանի հանձնարարությամբ աջակցություն է ցուցաբերվել բնական աղետից տուժած գյումրեցի ընտանիքներին.
- «Իմ քայլը» այս շաբաթ կհանդիպի ՍԴ դատավորի թեկնածուի հետ․ Լիլիթ Մակունց.
- Ընդունելության միասնական քննությունների լրացուցիչ փուլին մասնակցել է 64 դիմորդ, ընդունվել 63-ը. ԿԳՄՍՆ։ Հուսով եմ՝ այս թնջուկը ԿԳՄՍՆ-ը կլուծի․ Մակունցը՝ բուհեր չընդունված դիմորդների խնդրի մասին.
- Այն քաղաքացիները, որոնք հարկադիր վերադառնում են Հայաստան, սակայն ապրելու տեղ չունեն, 6 ամիս բնակարանային վարձի փոխհատուցում կստանան պետությունից.
- Ռուսաստանի հայերի միությունը ադրբեջանցու հարցաքննության կադրեր է հրապարակել
Օրվա ուշագրավ և կարևոր իրադարձությունների ամփոփ լրահոսը մեկ հոդվածով կազմեց Անդրանիկ Ավետիսյանը