Օգոստոսի 12-ին Գեղարքունիքի մարզպետի տեղակալ Նարեկ Գրիգորյանն ընդունեց ՄԱԿ-ի Մանկական հիմնադրամի Հայաստանյան գրասենյակի երեխաների պաշտպանության բաժնի ղեկավար Հայկ Խեմչյանին եւ նույն բաժնի ղեկավարի օգնական Հեղինար Մելքոմելքոմյանին: Հայկ Խեմչյանը Գեղարքունիքի մարզպետի տեղակալին ներկայացրեց ծրագրի բովանդակությունն ու նպատակները՝ խնդրելով համապատասխան աջակցություն՝ ծրագրի իրականացման հետ կապված տարաբնույթ հարցերում:
«ՄԱԿ-ի մանկական հիմնադրամը, ՄԱԿ-ի զարգացման ծրագրի հետ համագործակցությամբ և Միացյալ Թագավորության Հակամարտային կայունության և անվտանգության հիմնադրամի ֆինանսավորմամբ իրականացնում է «Անվտանգության, կայունության և դիմակայունության ամրապնդումը Վայոց Ձորի, Գեղարքունիքի և Սյունիքի մարզերի սահմանամերձ համայնքներում» ծրագիրը, որն ուղղված է պետական և ոչ պետական հաստատությունների և քաղաքացիական հասարակության ամրապնդմանը՝ իրականացվող բարեփոխումներին աջակցելու միջոցով: Ծրագրի հիմնական նպատակն է՝ տվյալների վրա հիմնված գործողություններ իրականացնել ընտրված մարզերում՝ հաղթահարելով խոցելիության խորքային պատճառները և ամրապնդելով համայնքների դիմակայունությունը: Հաշվի առնելով սահմանամերձ համայնքների առանձնահատկությունները, ծրագրի առաջին փուլը 2020թ. հուլիս-սեպտեմբեր ընկած ժամանակահատվածում ՅՈՒՆԻՍԵՖ-ի մասով ուղղված կլինի սոցիալական աշխատողների և սոցիալական ծառայությունների մատուցման ոլորտի աշխատակիցների՝ ՔՈՎԻԴ-19-ի պայմաններում արդյունավետ գործունեություն ծավալելու և բնակչությանը անհրաժեշտ սոցիալ-հոգեբանական օգնություն մատուցելու ուղղությամբ կարողությունների ընդլայնմանը, մասնագիտական և հոգեբանական աջակցությանը, ինչպես նաև տվյալների ձեռքբերմանը՝ ընտրված սահմանամերձ համայնքների դիմակայունությունը բարելավելու նպատակով: Երկրորդ փուլում, 2020թ. հոկտեմբերից սկսած, ծրագիրն ուղղված կլինի ծառայությունների մատուցման նոր և դիմակայուն մոդելների մշակմանը՝ հոգեբանա-սոցիալական աջակցություն ցուցաբերելով տեղի բնակչությանը, հատկապես՝ խոցելի երեխաներին և նրանց ընտանիքներին: Ծրագիրն իրականացվում է Աշխատանքի և սոցիալական հարցերի, Տարածքային կառավարման և ենթակառուցվածքների, Կրթության, գիտության, մշակույթի և սպորտի նախարարության, Արտակարգ իրավիճակների նախարարության, Սյունիքի, Գեղարքունիքի և Վայոց Ձորի մարզերի տարածքային կառավարման և տեղական ինքնակառավարման մարմինների և քաղաքացիական հասարակության կազմակերպությունների հետ սերտ համագործակցությամբ և համակարգմամբ»,-ներկայասցրեց Հայկ Խեմչյանը:
Գեղարքունիքի մարզպետի տեղակալ Նարեկ Գրիգորյանը, կարեւորելով ծրագրի բովանդակությունն ու նշանակությունը, հավաստեց, որ Գեղարքունիքի մարզպետարանը բոլոր հնարավոր միջոցներով կաջակցի ծրագրի իրականացման ընթացքին:
ՄԱԿ-ի մանկական հիմնադրամը Գեղարքունիքի մարզի սահմանամերձ համայնքներում անվտանգության, կայունության եւ դիմակայության...
Опубликовано ՀՀ Գեղարքունիքի մարզպետարան Четверг, 13 августа 2020 г.
