Մարտի 25-ին՝ ժամը 18:45-ին, Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Փոքր Վեդի գյուղի մոտակայքում տեղի է ունեցել ՃՏՊ. կան տուժածներ։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Տափերական գյուղի վարչական տարածքում բախվել են «Նիսան» (վարորդ՝ Լ. Հ., ծնված 1981 թ․) և «Վոլսֆագեն» (վարորդ՝ Ա. Մ., ծնված 1969 թ․) մակնիշների ավտոմեքենաները: Ա․ Մ.-ն տեղում մահացել է։
Մինչ փրկարարների կանչի վայր հասնելը՝ «Վոլսֆագեն» մակնիշի ավտոմեքենայի ուղևոր Եվ. Մ.-ն (ծնված 2010 թ․) տեղափոխվել է բժշկական կենտրոն, որտեղ բժիշկները նրա առողջական վիճակը գնահատել են բավարար։
Փրկարարները «Նիսան» մակնիշի ավտոմեքենայից դուրս են բերել վարորդ Լ․ Հ.-ին և մոտեցրել շտապօգնությանը, որը հոսպիտալացվել է բժշկական կենտրոն, այնուհետև շտապօգնության ավտոմեքենային են մոտեցրել «Վոլսֆագեն» մակնիշի ավտոմեքենայի ուղևոր Ն. Ս.-ին (ծնված 1980 թ․), որը հոսպիտալացվել է բժշկական կենտրոն, որտեղ արձանագրվել է նրա մահը։
Փրկարարները «Վոլսֆագեն» մակնիշի ավտոմեքենայից դուրս են բերել վարորդ Ա․ Մ.-ի դին, մոտեցրել շտապօգնությանը, այնուհետև՝ հոսանքազրկել ավտոմեքենաները և փակել «Նիսան» մակնիշի ավտոմեքենայի գազի բալոնի փականը: