«Պատմամշակութային արգելոց-թանգարանների եւ պատմական միջավայրի պահպանության ծառայություն» ՊՈԱԿ-ը ֆեյսբուքյան իր էջում հանդես է եկել հայտարարությամբ.
Հարգելի օգտատերեր, Հանրային հեռուստաընկերության լրատվական ծրագրով այսօր եթեր է գնացել տեղեկատվություն` Աղձքի հայ արքաների դամբարանում պեղումների գործընթացում ի հայտ եկած կոռուպցիոն չարաշահումների մասին։
Թյուրիմացաբար նշվել է, թե «Աղձքի հայ արքաների դամբարանում և հարակից տարածքում» պեղումներ իրականացնելու համար 15 միլիոն ՀՀ դրամ է հատկացվել «Պատմամշակութային արգելոց-թանգարանների եւ պատմական միջավայրի պահպանության ծառայություն» ՊՈԱԿ-ին։
Տեղեկացնում եմ, որ մեր կազմակերպությունը պեղումներ չի իրականացրել Աղձքում, հետեւաբար եւ որեւէ գումար չի հատկացվել մեզ։ Հուսանք, որ լուրերի հաջորդ թողարկմանը սխալը կշտկվի։
Հարգանքով` Արա Թարվերդյան
