Հայաստանի և Ռուսաստանի արտաքին գործերի նախարարների հանդիպման պայմանավորվածություն չկա։ Մամուլի ասուլիսի ժամանակ այս մասին ասաց արտաքին գործերի նախարար Արարատ Միրզոյանը՝ պատասխանելով հարցին, թե արդյոք Ռուսաստանի Դաշնության արտաքին գործերի նախարար Սերգեյ Լավրովի հետ առաջիկայում հանդիպում սպասվում է, թե ոչ։
« Պայմանավորվածություններ չունենք այդ մասին։ Վերջին անգամ ռուսական կողմից եղել է առաջարկ հանդիպել ԵԱՀԿ նախարարական հանդիպմանն ընդառաջ, քննարկման արդյունքում այդ հանդիպումը տեղի ունեցավ և էլի հրապարակայնորեն տեղեկացվել է։ Դրանից հետո որևէ հանդիպման առաջարկ չենք քննարկել՝ մենք չենք առաջարկել, ռուսական կողմից չենք լսել»,- ասաց Միրզոյանը։
