Հայաստան է ժամանել շուրջ 1500 լիբանանահայ։ Այս մասին տեղեկացրել է ԱԺ-ն։
ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովում մարտի 22-ին քննարկվել է 2020-ի կատարողականի վերաբերյալ Կառավարության զեկույցը:
Իրականացվել է «Ի գործ» ծրագիրը, որի 51 մասնակից արդեն աշխատում է Հայաստանի պետական հիմնարկներում: «Մեր այս հայրենակիցներից 6-ը մտադիր է հետագա կյանքը շարունակել հայրենիքում»,- նշել է Զարեհ Սինանյանը:
Բեյրութում տեղի ունեցած հայտնի աղետից հետո Լիբանանի հայ համայնքին օգնելու նպատակով օգոստոսի սկզբին Հայաստանից եւ Արցախից 3 օդանավով Բեյրութ օգնություն է ուղարկվել:
Հայաստան է ժամանել շուրջ 1500 լիբանանահայ: Նրանք աջակցություն են ստացել բնակարանի, կրթական եւ առողջապահական հարցերով:
Կորոնավիրուսի դեմ պայքարի շրջանակում կառույցը գործակցել է Սփյուռքի կազմակերպությունների հետ: Խորհրդարանի հետ որոշակի աշխատանքներ են տարվել Սփյուռքի մասին օրենք ունենալու համար:
Վերանայվել է կառույցի բյուջեն, ինչի արդյունքում այն 40 տոկոսով կրճատվել է:
