Հունվարի 21-ին ԱԺ հերթական նիստում ԱԺ քննիչ հանձնախմբի նախագահ Նարեկ Բաբայանը տեղեկացրել է, որ քվեարկության արդյունքում Հակոբ Հակոբյանն ու Արթուր Մանուկյանն ընտրվել են Հեռուստատեսության եւ ռադիոյի հանձնաժողովի անդամներ:
Ազգային ժողովը ՀՌՀ անդամ է ընտրել «Քաղաքացիական պայմանագիր» խմբակցության առաջադրած ՀՀ մշակույթի նախկին նախարար, բանաստեղծ, թարգմանիչ Հակոբ Հակոբյանին (Հակոբ Մովսես) և ԱԺ նախկին պատգամավոր, դերասան և երգիչ Արթուր Մանուկյանին:
Երկու թեկնածուների ընտրության ձայները բաշխվել են նույնկերպ. 68 կողմ, 0 դեմ: «Տեսալսղական մեդիայի մասին» օրենքի համաձայն՝ նրանք երդվել են:
Նշենք, որ Հակոբ Հակոբյանի ու Արթուր Մանուկյանի թեկնածություններն առաջադրել է ՀՀ ԱԺ «Քաղաքացիական պայմանագիր» խմբակցությունը: