Գիտական ոլորտում առաջնային է արդյունքի չափելիության մեխանիզմների մշակումը. Վահրամ Դումանյան
▲ Դեպի վեր
  • Երեվան 14°C
    55%
    2 կմ/ժ
  • Շիրակ 6°C
    70%
    6 կմ/ժ
  • Լոռի 7°C
    77%
    3 կմ/ժ
  • Տավուշ 16°C
    72%
    8 կմ/ժ
  • Արարատ 15°C
    42%
    8 կմ/ժ
  • Սյունիք 18°C
    71%
    7 կմ/ժ
  • Արմավիր 15°C
    55%
    2 կմ/ժ
  • Գեղարքունիք 8°C
    77%
    0 կմ/ժ
  • Արագածոտն 13°C
    55%
    2 կմ/ժ
  • Կոտայք 11°C
    48%
    7 կմ/ժ
  • Արցախ 16°C
    68%
    8 կմ/ժ
:
  • Եվրո = 569.85
  • Ռուբլի = 6.61464
  • Դոլար = 485.938

Գիտական ոլորտում առաջնային է արդյունքի չափելիության մեխանիզմների մշակումը. Վահրամ Դումանյան

Գիտական ոլորտում առաջնային է արդյունքի չափելիության մեխանիզմների մշակումը. Վահրամ Դումանյան

ՀՀ ԿԳՄՍ նախարար Վահրամ Դումանյանն ընդունել է «Գիտուժ» նախաձեռնության անդամներին: Հանդիպմանը ներկա են եղել նաև նախարարի տեղակալ Կարեն Թռչունյանը և Գիտության կոմիտեի նախագահ Սարգիս Հայոցյանը:

Հանդիպման նպատակն էր քննարկել գիտական էկոհամակարգի ձևավորման ուղղությամբ համագործակցության ուղիները, Կառավարության նոր ծրագրում գիտության դերի բարձրացմանն ուղղված քայլերը, 2022-2024 թթ. միջնաժամկետ ծախսերի ծրագրում գիտական և գիտատեխնիկական գործունեության համար նախատեսված հատկացումների ծավալը:

Նախարար Վահրամ Դումանյանը ողջունել է ներկաներին և կարևորել հանդիպման ձևաչափը: Նախարարը հետաքրքրվել է «Գիտուժ» նախաձեռնության նպատակի, անելիքների և գործունեության մասին: Ըստ նախաձեռնության անդամների՝ իրենց նպատակն է պետության զարգացման ճանապարհը դարձնել գիտությունը, ստեղծել մրցունակ գիտական էկոհամակարգ, զարգացնել այն, խթանել ներդրումային ծրագրերը:

Վահրամ Դումանյանն առանձնակի կարևորել է գիտության զարգացման դերը և նշել, որ պետության նպատակն է հնարավորության սահմաններում հավասար և արդյունավետ բաշխում կատարել բոլոր բնագավառներում: Այս համատեքստում նախարարն ընդգծել է. «Ի թիվս այլ խնդիրների՝ գիտական ոլորտում առաջնային է արդյունքի չափելիության մեխանիզմների մշակումը: Շատ կարևոր է պետական բյուջեի հատկացումները ծառայեցնել հստակ խնդիրների լուծմանը»:

Հանդիպման ավարտին պայմանավորվածություն է ձեռք բերվել ըստ անհրաժեշտության հաջորդիվ ևս կազմակերպել քննարկումներ՝ ի նպաստ Հայաստանում գիտության առաջընթացի և ոլորտում առկա խնդիրների լուծման:

Թեմայի այլ նորություններ