30 տարի առաջ Հայաստանն ու Միացյալ Նահանգները դիվանագիտական հարաբերություններ հաստատեցին, և այդ ժամանակից ի վեր մեր գործընկերային հարաբերությունները շարունակաբար ամրապնդվել են։ Այս մասին Ֆեյսբուքի իր էջում գրել է ԱՄՆ կոնգրեսական Ադամ Շիֆը:
«Ի նշանավորումն այս հոբելյանի՝ Կոնգրեսում Ամերիկայի հայ համայնքի անունից ես այսօր պարգևատրվել եմ պետական շքանշանով՝ իմ աշխատանքի համար։ Ես անսահման զգացված եմ այդ հսկայական պատվի համար և անհամբերությամբ սպասում եմ մեր երկու երկրների դիվանագիտական կապերի ամրապնդման կարևոր աշխատանքի շարունակմանը»,- գրել է Շիֆը:
Հայաստանի Հանրապետության Ազգային Ժողովի նախագահ Ալեն Սիմոնյանը ԱՄՆ կոնգրեսական Ադամ Շիֆին պարգևատրել է Հայաստանի պետական պարգևով՝ Բարեկամության շքանշանով:
