Մենք հետագա կայունության ապահովման մեխանիզմների շուրջ աշխատում ենք: Այս մասին այսօր Հայաստանի և Կիպրոսի արտաքին գործերի նախարարների համատեղ մամուլի ասուլիսին ասաց ՀՀ արտաքին գործերի նախարար Արարատ Միրզոյանը:
«Բայց Հայաստանում է ԵՄ քաղաքացիական առաքելությունը և տեղակայման պահից ի վեր այս առաքելությունը զգալի և էական դեր է խաղացել ողջ սահմանագծի երկայնքով կայունության պահպանման ուղղությամբ»,- ասաց նա և նշեց՝ ողջունում եմ առաքելության մանդատն ընդլայնելու որոշումը: