Վատ չի լինի, որ մենք սովորենք միայնակ լինելուն, սա ընդհանրապես, որովհետև եթե մենք սովորենք միայնակ լինելուն, գուցե համապատասխան հետևություններ անենք: Այս մասին այսօր Ազգային ժողովում Կառավարության հետ հարց ու պատասխանի ժամանակ ասաց ՀՀ վարչապետ Նիկոլ Փաշինյանը՝ անդրադառնալով Հայաստանի մենակ լինելու վերաբերյալ հարցին:
«Նախորդ օրը, այսօր ԵԽ-ից հնչում է հայտարարություն, որ ՀՀ-ԵՄ հարաբերությունները պատմության մեջ երբեք ավելի ուժեղ չեն եղել, քան այսօր, օրինակ՝ Հայաստան-Ֆրանսիա հարաբերություններում նոր ոլորտներում ենք համագործակցություն հաստատում, որը նախկինում երբեք չի եղել»,- ասաց նա և նշեց, որ Վրաստանի հետ Հայաստանը ստորագրել է ռազմավարական գործընկերության մասին հռչակագիր, որտեղ արձանագրվեց, որ Հայաստանը և Վրաստանը փոխադարձաբար ճանաչում են միմյանց տարածքային ամբողջականությունը:
