Եվրասիական տնտեսական բարձրագույն խորհրդի հաջորդ նիստը կարող է տեղի ունենալ դեկտեմբերի 10-ին՝ առցանց ռեժիմով: Այս մասին հայտնել է Ղազախստանի արտաքին գործերի նախարարի տեղակալ Մարատ Սիզդիկովը:
«Ձևաչափը, ամենայն հավանականությամբ, կլինի առցանց՝ պայմանավորված համաճարակաբանական իրավիճակով»,- ասել է փոխնախարարը:
Նշվում է, որ նիստի ընդունող քաղաքը կլինի Ալմաթին: Այս տարի ԵԱՏՄ նախագահող երկիրը Ղազախստանն է:
ԵԱՏՄ նախորդ գագաթնաժողովը տեղի է ունեցել 2021 թ. հոկտեմբերի 14-ին: ԵԱՏՄ անդամ երկրների ղեկավարներից բացի, նիստին մասնակցել են նաև ԵԱՏՄ դիտորդ պետությունների՝ Կուբայի և Ուզբեկստանի ղեկավարները:
