«Հայկական ժամանակի» տեղեկություններով՝ ձերբակալություններ են տեղի ունեցել Գյումրու զբաղվածության տարածքային կենտրոնում: Նշված հասցե ՀԺ-ի այցի պահին կենտրոնի մուտքի դուռը ԱԱԾ կապարակնիքով կողպված էր: Ձերբակալությունների մասին ՀԺ-ի տեղեկությունը հաստատեցին ԱԱԾ մամուլի կենտրոնից, սակայն այլ մանրամասներ չնշեցին՝ հավելելով, որ ավելի ուշ համապատասխան հաղորդագրություն կտարածեն:
Ըստ «Արմենպրես»-ի ունենցած տեղեկությունների, ձերբակալվել են ՀՀ աշխատանքի և սոցիալական հարցերի նախարարության Զբաղվածության պետական գործակալության Գյումրու զբաղվածության տարածքային կենտրոնի տնօրենն ու որոշ աշխատակիցներ։