Բելգիայում Հայաստանի արտակարգ և լիազոր դեսպան, ԵՄ-ում ՀՀ մշտական ներկայացուցիչ Տիգրան Բալայանը հանդիպել է Եվրոպական խորհրդարանի Քաղաքացիական ազատությունների, արդարադատության և ներքին գործերի հանձնաժողովի նախագահ Խուան Ֆերնանդո Լոպես Ագիլարի հետ։
Զրուցակիցները քննարկել են Հայաստան-ԵՄ գործընկերությունը և Համապարփակ և ընդլայնված գործընկերության համաձայնագրի շրջանակներում ստանձնած պարտավորությունների կատարման ընթացքը։
Դեսպան Բալայանը մանրամասն ներկայացրել է Հայաստանում արդարադատության ոլորտի բարեփոխումները, հակակոռուպցիոն պայքարը, ինչպես նաև մարդու իրավունքների ռազմավարության և հետագա գործողությունների ծրագրի ընդունումը։