Ինչպես տեղեկացավ InterLur.com լրատվական գործակալությունը Արցախի Հանրապետության Առողջապահության նախարարության լրատվության բաժնից՝ առայսօր, նոր կորոնավիրուսային հիվանդությունը Արցախում հաստատվել է 254 մարդու մոտ, որից 248-ը հաղթահարել է հիվանդությունը: Փաստացի բուժում է ստանում 5, ընդհանուր մեկուսացված է 9 քաղաքացի: Բժիշկները 2 հիվանդի առողջական վիճակը գնահատում են ծանր, 3-ինը՝ միջին ծանրության: Թեստավորումների նպատակով 137 նմուշառում է իրականացվել: Մինչ այսօր կատարվել է 8046 փորձանմուշի հետազոտություն: