ՀՀ-ում ԱՄՆ դեսպանությունը և Երևանի ամերիկյան անկյունն այսօր անցկացնում են հերթական ամենամյա ընթերցանության մարաթոնը՝ նվիրված Ազգային գրադարանային շաբաթվան։ Այս մասին տեղեկացնում է Երևանում ՀՀ դեսպանությունը:
Ընթերցողները հնարավորություն ունեն վիրտուալ տիրությում միանալ մարաթոնին Գյումրու, Վանաձորի, Կապանի և Չարենցավանի ամերիկյան անկյուններից և Հայաստանի ավելի քան 20 մարզային գրադարաններից։
Այս տարի ընթերցվում է ամերիկահայ գրող Փիթեր Բալաքյանի «Ճակատագրի սև շունը» հուշագրությունը։
Դեսպանության գրառման մեջ նաև ասված է.
«Միացե՛ք ամերիկացի դիվանագետներին և մեր հայ բարեկամներին ու գործընկերներին, որոնք այսօր ընթերցում են ամերիկահայ գրող Փիթեր Բալաքյանի «Ճակատագրի սև շունը» հուշագրությունը։ Գրքից հատվածներ կընթերցվեն թե՛ անգլերեն, թե՛ հայերեն։
Այս հուզիչ հուշագրության առանցքային կերպարներից է Բալաքյանի՝ Հայոց ցեղասպանությունը վերապրած և ամուսնուն կորցրած տատը։ Իսկ ամբողջությամբ վերցրած այն մի երիտասարդի կայացման պատմություն է, որը, մուտք գործելով չափահաս կյանք, հանկարծահաս մղումով ձգտում է ճանաչել իր արմատները»։
