Ինչպես տեղեկացավ InterLur.com լրատվական գործակալությունը ՀՀ ՊՆ լրատվության բաժնից` օգոստոսի 11-ին 4-րդ զորամիավորման ենթակա զորամասերից մեկի մարտավարական դաշտում հետախուզական ստորաբաժանումների զինծառայողների հետ անցկացվել է ականների տեղադրման և ականազերծման գործնական պարապմունք։ Տարածված հաղորդագրությունում մասնավորապես ասվում է, որ ստուգվել են հետախույզների՝ մարտավարական տարբեր իրավիճակներում առաջադրված խնդիրների կատարման ունակությունները, դաշտային վարժվածությունն ու ֆիզիկական դիմացկունությունը:

ՀՀ ՊՆ լրատվության բաժնից նաև հայտնում են, որ զորամիավորումներում նորակոչիկ զինծառայողների հետ անցկացվել են կրակային պատրաստության տեսական և գործնական պարապմունքներ: Նորակոչիկները ծանոթացել են զենքերի մարտավարատեխնիկական բնութագրերին, այնուհետեւ կատարել  գործնական հրաձգություն։