2020թ. առաջին կիսամյակի ընթացքում ՀՀ քննչական կոմիտեի վարույթում քննվել է ընտանեկան բռնության վերաբերյալ 395 քրեական գործ, նախապատրաստվել է 211 նյութ: Այս մասին InterLur.com լրատվական գործակալությունը տեղեկացավ ՀՀ Քննչական կոմիտեի լրատվության բաժնից։ Տարածված հաղորդագրությունում մասնավորապես ասվում է․
Հաշվետու ժամանակահատվածում 395 քրեական գործից՝
- 6-ը հարուցվել է ՀՀ քրեական օրենսգրքի 104-րդ հոդվածով (սպանությունը),
- 2-ը` 109-րդ հոդվածով (անզգուշությամբ մահ պատճառելը),
- 6-ը` 110-րդ հոդվածով (ինքնասպանության հասցնելը),
- 16-ը` 112-րդ հոդվածով (դիտավորությամբ առողջությանը ծանր վնաս պատճառելը),
- 5-ը` 113-րդ հոդվածով (դիտավորությամբ առողջությանը միջին ծանրության վնաս պատճառելը),
- 21-ը` 117-րդ հոդվածով (դիտավորությամբ առողջությանը թեթև վնաս պատճառելը),
- 209-ը` 118-րդ հոդվածով (ծեծը),
- 4-ը` 119-րդ հոդվածով (ֆիզիկական ուժեղ ցավ կամ հոգեկան ուժեղ տառապանք պատճառելը),
- 1-ը` 120-րդ հոդվածով (անզգուշությամբ առողջությանը ծանր վնաս պատճառելը),
- 2-ը` 131-րդ հոդվածով (մարդուն առևանգելը),
- 2-ը` 133-րդ հոդվածով (ազատությունից ապօրինի զրկելը),
- 45-ը՝ 137-րդ հոդվածով (սպանության կամ առողջությանը ծանր վնաս պատճառելու, կամ գույք ոչնչացնելու սպառնալիքը),
- 2-ը՝ 138-րդ հոդվածով (բռնաբարությունը),
- 4-ը` 139-րդ հոդվածով (սեքսուալ բնույթի բռնի գործողությունները),
- 1-ը՝ 140-րդ հոդվածով (սեռական հարաբերության կամ սեքսուալ բնույթի գործողություններին հարկադրելը),
- 8-ը` 141-րդ հոդվածով (սեռական հարաբերությունը 16 տարին չլրացած անձի հետ կամ սեքսուալ բնույթի գործողություններ կատարելը 16 տարին չլրացած անձի հետ),
- 4-ը` 142-րդ հոդվածով (անառակաբարո գործողությունները),
- 2-ը` 144-րդ հոդվածով՝ (անձնական կամ ընտանեկան կյանքի մասին տեղեկություններ ապօրինի հավաքելը, պահելը, օգտագործելը կամ տարածելը),
- 1-ը` 167-րդ հոդվածով (ծնողներից կամ այն անձանցից, որոնց վրա դրված է երեխայի դաստիարակության և խնամքի պարտականությունը երեխային ապօրինի բաժանելը կամ երեխային փոխելը),
- 8-ը` 167.1-րդ հոդվածով (ծնողի կամ այլ մերձավոր ազգականի և երեխայի միջև տեսակցության իրականացմանը խոչընդոտելը),
- 4-ը՝ 168-րդ հոդվածով (խնամքը ստանձնելու նպատակով երեխայի առքը կամ ստանձնողի խնամքին հանձնելու նպատակով երեխայի վաճառքը),
- 5-ը` 169.1-րդ հոդվածով (քաղաքացիական կացության ակտերի գրանցման մարմիններին սուտ տեղեկություններ հաղորդելը),
- 2-ը՝ 170-րդ հոդվածով (երեխային դաստիարակելու պարտականությունը չկատարելը կամ ոչ պատշաճ կատարելը),
- 8-ը` 173-րդ հոդվածով (ծնողի կողմից երեխային պահելուց չարամտորեն խուսափելը),
- 3-ը` ՀՀ քրեական օրենսգրքի 185-րդ հոդվածով (գույքը դիտավորությամբ ոչնչացնելը կամ վնասելը),
- 1-ը՝ 186-րդ հոդվածով (գույքն անզգուշությամբ ոչնչացնելը կամ վնասելը),
- 9-ը` 353.1-րդ հոդվածով (անհետաձգելի միջամտության որոշումը կամ պաշտպանական որոշումը դիտավորությամբ չկատարելը),
- իսկ 14-ը` ՀՀ քրեական օրենսգրքի այլ հոդվածներով:
- Վերոհիշյալ քրեական գործերով մեղադրյալի դատավարական կարգավիճակ է ունեցել 196 անձ, որոնցից 1-ը եղել է 14-18 տարեկան, 66-ը՝ 18-35 տարեկան, 129-ը՝ 35 տարեկանից բարձր:
- Հանցագործություններից 6-ը կատարվել են մոր, 26-ը՝ հոր, 1-ը` խորթ հոր, 12-ը՝ եղբոր/քրոջ, 1-ը՝ տատի/պապի, 21-ը` զավակի (այդ թվում՝ որդեգրված), 6-ը՝ ամուսիններից կնոջ, 115-ը՝ ամուսիններից տղամարդու, 1-ը՝ թոռան, 3-ը՝ ամուսնու ծնողների, 6-ը՝ հարսի/փեսայի կողմից:
- Վարույթում քննված գործերով 333 ճանաչվել է տուժող, որոնցից 37-ը՝ մինչև 12 տարեկան, 9-ը՝ 12-14 տարեկան, 11-ը՝ 14-16 տարեկան, 3-ը՝ 16-18 տարեկան, 124-ը՝ 18-35 տարեկան, 149-ը՝ 35 տարեկանից բարձր:
- 395 քրեական գործից 208-ն ավարտվել է հաշվետու ժամանակահատվածում, 62 քրեական գործ, մեղադրական եզրակացությամբ, ուղարկվել է դատարան:
- 143 քրեական գործի վարույթ կարճվել է, որից 51-ը` արդարացման, 92-ը` ոչ արդարացման հիմքով:
- 11 քրեական գործի վարույթ կասեցվել է, որից 7-ը` որպես մեղադրյալ ներգրավված անձի հետախուզման մեջ գտնվելու հիմքով, 4-ը՝ այլ հիմքերով:
- 2020թ.առաջին կիսամյակից փոխանցված գործերի հետ միասին անավարտ է մնացել 141 քրեական գործ:
