Մի սցենար կար 2019-ին, երևի պետք է գայի ասեի, որ ԼՂ հարց չկա, եթե մենք ուզում ենք որևէ արդյունք ունենանք, պետք է վերադառնանք 1996-ի Լիսաբոնի խոսույթին՝ ասենք, որ մեր նշաձողը ԼՂ ինքնավար կարգավիճակն է Ադրբեջանի կազմում, բայց ում լեզուն կպտտվեր տենց բան ասեր: Այս մասին այսօր մամուլի ասուլիսին ասաց ՀՀ վարչապետ Նիկոլ Փաշինյանը։
Նա նշեց, որ այս ընթացքում այնպիսի հարցեր չի տվել, ինչպիսիք ինքն է իրեն տվել: «ՀՀ բոլոր ելքերի առաջ դրված են եղել և շարունակում են դրված լինել թակարդներ՝ սիրուն, գույնզգույն ծաղիկներով և առանց ծաղիկների»,- ասաց նա և նշեց, որ ապացույցներով գիտի, թե ինչ է տեղի ունեցել և ինչի համար է տեղի ունեցել և այդ ապացույցները հրապարակային են:
