Եվրահանձնաժողովի նախագահ Ռոբերտա Մեցոլան Եվրախորհրդարանի արտահերթ լիագումար նիստի բացմանը հայտարարել է, որ վճռականորեն դատապարտում է ՌԴ-ի ռազմական գործողություններն Ուկրաինայում։
«Եվրախորհրդարանի անունից ամենավճռական կերպով դատապարտում եմ Ռուսաստանի ռազմական ագրեսիան Ուկրաինայի նկատմամբ և աջակցություն եմ հայտնում բոլոր տուժածներին, ցավակցում եմ բոլոր զոհերի կապակցությամբ»,- ասել է նա։
Մեցոլան հայտարարել է նաև, որ իրենք աջակցելու են Միջազգային քրեական դատարանի իրավասությամբ «Ուկրաինայում ռազմական հանցագործությունների» հետաքննությանը։
Եվրահանձնաժողովի նախագահը հայտնել է նաև, որ Եվրախորհրդարանը ողջունում է ԵՄ-ին անդամակցելու՝ Ուկրաինայի դիմումն ու «կենտրոնանալու է այդ նպատակի իրագործման վրա»։
«Մենք ընդունում ենք եվրոպական ապագա ունենալու՝ Ուկրաինայի հեռանկարը։ Եվ, ինչպես նշվում է մեր բանաձևում, ողջունում ենք Ուկրաինայի կողմից ԵՄ-ին անդամակցելու դիմում ներկայացնելու փաստը, աշխատելու ենք այդ նպատակին հասնելու համար»,- նշել է Մեցոլան։
