ՌԴ պաշտպանության նախարար Սերգեյ Շոյգուն ընդունել է Ուկրաինայում ռազմական գործողությունների մասնակից ռուսական զորքերի «Արևելք» խմբավորման ղեկավար գեներալ-լեյտենանտ Ռուստամ Մուրադովին:
«Հրամանատարական կետում «Արևելք» խմբի հրամանատար, գեներալ-լեյտենանտ Ռուստամ Մուրադովը Ռուսաստանի ռազմական գերատեսչության ղեկավարին զեկուցել է պատասխանատվության գոտում ներկա իրավիճակի և հակառակորդի ուժերի ջախջախման վերաբերյալ մարտական առաջադրանքների կատարման առաջընթացի մասին»,- հայտնում են ՊՆ-ից։
Ստուգման ժամանակ Շոյգուն հրամայել է «Արևելք» խմբին պաշտպանել Դոնբասը ուկրաինական կողմի հրետակոծությունից։ Հանդիպման այլ մանրամասներ նախարարությունից չեն հայտնել։
«Արևելք» խմբավորումը մասնակցում է Դոնեցկի ուղղությամբ ռազմական գործողությանը։ Նախկինում չէր բացահայտվում, թե կոնկրետ ով է այն ղեկավարում։ Հուլիսի 4-ին Ռուսաստանի նախագահ Վլադիմիր Պուտինը կոչ է արել «Արևելք» և «Արևմուտք» խմբավորումներին շարունակել առաջադրանքների կատարումը «նախկինում հաստատված պլանների համաձայն»:
Ռուստամ Մուրադովը Հարավային ռազմական օկրուգի հրամանատարի տեղակալն էր 2018 թվականից, եղել է Սիրիայում ռազմական խորհրդատու։ Եղել է Լեռնային Ղարաբաղում ռուսական խաղաղապահ զորակազմի գլխավոր հրամանատարը, ունի ՌԴ հերոսի կոչում:
