Սյունեցիները փակել են ճանապարհը 17 կուսակցությունների անդամների առջև
▲ Դեպի վեր
  • Երեվան 5°C
    75%
    4 կմ/ժ
  • Շիրակ 1°C
    44%
    20 կմ/ժ
  • Լոռի 1°C
    44%
    20 կմ/ժ
  • Տավուշ 5°C
    67%
    7 կմ/ժ
  • Արարատ 5°C
    75%
    4 կմ/ժ
  • Սյունիք 5°C
    74%
    11 կմ/ժ
  • Արմավիր 5°C
    75%
    4 կմ/ժ
  • Գեղարքունիք 5°C
    75%
    4 կմ/ժ
  • Արագածոտն 5°C
    75%
    4 կմ/ժ
  • Կոտայք 5°C
    75%
    4 կմ/ժ
  • Արցախ 3°C
    83%
    6 կմ/ժ
:
  • Եվրո = 635.6103
  • Ռուբլի = 7.12335
  • Դոլար = 528

Սյունեցիները փակել են ճանապարհը 17 կուսակցությունների անդամների առջև

Սյունեցիները փակել են ճանապարհը 17 կուսակցությունների անդամների առջև

Սյունեցիները փակել են Սյունիքի մարզ մտնող ճանապարհը և թույլ չեն տալիս 17 կուսակցությունների անդամներին շարունակել ճանապարհը: 

Ճանապարհը բացելու համար քաղաքացիների հետ բանակցություններ են վարում «Բարգավաճ Հայաստան» կուսակցության անդամները:

Քաղաքացիներն ասում են, որ սյունեցիները համախմբված ընտրել են վարչապետ Նիկոլ Փաշինյանին և պահանջում են նրանց հետ գնալ:

«Մենք ենք ստեղ ապրում, դուք եք եկել, խոսում եք Սյունիքի սահմանազատման մասին»,- ասաց քաղաքացիներից մեկը:    

Հավաքվածներին վրդովեցրել են ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանի՝ ցույցերին չմասնակցողների հասցեին, նաև օրերս Վազգեն Մանուկյանի՝ շիրակցիների հասցեին հնչեցրած վիրավորական արտահայտությունները:

«Մեր ժողովրդին ցնցումների մեջ մի քցեք, ձեր մի հատ խոսքը ցնցումների ա բերում, մի արեք»,-դիմելով պատգամավորներին՝ նշեց բնակիչներից մեկը։

Իվետա Տոնոյանն էլ նշեց, որ սյունեցիների բանավոր պայմանավորվածությունների հետևանքով չգիտեն, թե որ փուլում է գտնվում սահմանազատման գործընթացը։

«Այ մարդ, մենք ենք ստեղ ապրում, դուք ընդեղ իմանում եք, մենք ստեղ չե՞նք իմանում»,- ի պատասխան նշեց քաղաքացիներից մեկը։

Սյունեցիները նաև վանկարկում էին Վազգեն դավաճան։

Հիշեցնենք, որ «Հայրենիքի փրկության շարժման» միասնական թեկնածու Վազգեն Մանուկյանը մարզային այցեր է իրականացնում՝ հանդիպումներ ունենալով բնակիչների հետ։ Մինչ այժմ Մանուկյանը եղել է Վանաձորում է Գյումրիում։ Գյումրի գնալու ճանապարհին Շիրակի բնակիչները նույնպես փակել էին Մանուկյանի ճանապարհը, իսկ Մանուկյանը ճանապարհը փակող մարդկանց «բոմժեր» էր անվանել։ Մանուկյանի այս արտահայտությունը դատապարտել է Մարդու իրավունքների պաշտպանը։

Ընդգծենք նաեւ, որ քիչ առաջ հայտարարություն է տարածել Հայրենիքի փրկության շարժումը: Հայտարարությունում նշվում է, որ Վազգեն Մանուկյանը եւ Հայրենիքի փրկության շարժումն այս պահին որևէ մարզային այցելություն չունեն, Մանուկյանը գտնվում է Երևանում՝ իր գրասենյակում, և քիչ առաջ ավարտվել է նրա հանդիպումը մի խումբ տնտեսագետների հետ:

 
 

Թեմայի այլ նորություններ