Ուկրաինայում ստեղծված իրադրության պատճառով Ռուսաստանի դեմ Եվրամիության պատժամիջոցները վաղ, թե ուշ ներառելու են նաև նավթի ու գազի սեկտորը: Այս մասին Կիևում Ուկրաինայի նախագահ Վլադիմիր Զելենսկիի հետ համատեղ ճեպազրույցում ապրիլի 20-ին հայտարարել է Եվրախորհրդի ղեկավար Շառլ Միշելը:
Խոսելով Ռուսաստանի նկատմամբ ապագա սահմանափակումների մասին՝ նա նշել է. «Վաղ, թե ուշ մենք կկենտրոնանանք նավթի ու գազի վրա»:
Միշելի խոսքով՝ ԵՄ անդամ 27 պետություն մշտապես քննարկում են, թե ինչպես «առավելագույնի հասցնել ճնշումը Կրեմլի նկատմամբ՝ փոխելու ռուսական իշխանությունների վարքագիծը»:
