Բարձրագույն դատական խորհրդի անդամ Դավիթ Խաչատուրյանը հիմա գնահատական չի տա ԲԴԽ նախկին նախագահ Ռուբեն Վարդազարյանի հրապարակած աղմկահարույց ձայնագրությանը։ Այս մասին այսօր ԱԺ-ում լրագրողների հետ զրույցում ասել է ԲԴԽ անդամ Դավիթ Խաչատրյանը։
«Խորհրդի կազմի անդամներից ձևավորվել է հանձնախումբ, որքանով հիշում եմ՝ հինգ հոգի միացել է այդ հանձնախմբին ու մենք խնդրել ենք պարոն Վարդազարյանին, որպեսզի նա մեզ տրամադրի ամբողջական, մոնտաժով չաղավաղված ձայնագրությունը, որ կարողանանք համապատասխան եզրակացության գալ».- ասել է նա։
Նա նշել է, թե բոլոր վարկածները պետք է օբյեկտիվ ու բազմակողմանիորեն քննվեն համապատասխան քննչական մարմնի կողմից։
«Հիմա նախապատրաստվում են նյութեր, սպասենք համապատասխան որոշումների կայացմանը», - նշել է ԲԴԽ անդամը։
Խաչատուրյանը լրագրողներին ասել է, թե լուրեր չունի, որ Գագիկ Ջհանգիրյանը պատրաստվում է հրաժարական տալ։
