ԱԺ «Քաղաքացիական պայմանագիր» խմբակցության ղեկավար Հայկ Կոնջորյանն այսօրվա նիստում ներկայացրեց ՀՀ նախագահի պաշտոնում խմբակցության կողմից առաջադրված Վահագն Խաչատուրյանի թեկնածությունը: Կոնջորյանը նախ ներկայացրեց Խաչատուրյանի կենսագրությունը ու շեշտեց, որ նա մասնակցել է մեր երկրի կայացման բազմաթիվ ծրագրերի:
«Պարոն Խաչատուրյանն իր անցած ճանապարհով, իր կենսագրությամբ ապացուցել է, որ կարող է և արժանի է զբաղեցնելու ՀՀ նախագահի բարձր պաշտոնը: Պարոն Խաչատուրյանն իր քաղաքական խոհեմությամբ միանշանակ կարող է այս կարևոր առաքելությունն այս պատմական ժամանակներում մեծ պատվով և պատասխանատվությամբ իրագործել»,- ասաց Կոնջորյանը:
