ՀՀ պետական եկամուտների կոմիտեից տեղեկացնում են, որ ՀՀ Կառավարության 14.01.2021 թ. թիվ 28-Ն որոշմամբ սահմանվել է ժամանակավոր արգելք սև և գունավոր մետաղի թափոնների և ջարդոնի, սև մետաղից պատրաստված խողովակների և դրանց կցամասերի, սև մետաղական կոնստրուկցիաների, ինչպես նաև սև մետաղից սալիկների և օգտագործված թուջե ռադիատորների արտահանման վրա, որը գործելու է վեց ամիս ժամկետով։

 

Որոշումն ուժի մեջ է մտնելու պաշտոնական հրապարակմանը հաջորդող տասներորդ օրվանից, որից հետո մաքսային մարմինները իրականացնելու են ուժեղացված հսկողություն՝ ՀՀ Կառավարության 14.01.2021 թ. թիվ 28-Ն որոշման դրույթների պահպանման նկատմամբ։