Փոխվարչապետ Մհեր Գրիգորյանը Մոսկվայում մասնակցել է Եվրասիական տնտեսական հանձնաժողովի խորհրդի հերթական նիստին:
Նիստի օրակարգում ընդգրկված էին շուրջ երկու տասնյակ հարցեր, որոնք վերաբերում էին ԵԱՏՄ անդամ պետությունների միջև առևտրատնտեսական հարաբերություններին առնչվող մի շարք հարցերի, այդ թվում՝ տեխնիկական կանոնակարգերին և մաքսային ընթացակարգերին:
Հաստատվել է նաև 2022 թվականին կայանալիք Եվրասիական տնտեսական հանձնաժողովի 10-ամյակին նվիրված միջոցառումների ծրագիրը:
Աշխատանքային այցով Ռուսաստանի Դաշնություն ժամանած փոխվարչապետ Մհեր Գրիգորյանը մասնակցել է ԱՊՀ տնտեսական խորհրդի 92-րդ նիստին:
ԱՊՀ մասնակից պետությունների փոխվարչապետները նիստի ընթացքում մտքեր են փոխանակել ԱՊՀ շրջանակներում տնտեսական համագործակցության արդիական հարցերի շուրջ:
Ի թիվս օրակարգում ընդգրկված ավելի քան մեկ տասնյակ հարցերի՝ քննարկվել է նաև մինչև 2030 թ. ԱՊՀ մասնակից պետությունների տեղեկատվական անվտանգության ապահովման ռազմավարության իրականացման առաջնահերթ միջոցառումների ծրագրի նախագիծը: