Հայկական DANZ ակնոցներ՝ մանրակրկիտ աշխատանքի արդյունք
▲ Դեպի վեր
:
  • 1RUB = 7.97AMD
  • 1USD = 483AMD
  • 1EUR = 526.6AMD

Հայկական DANZ ակնոցներ՝ մանրակրկիտ աշխատանքի արդյունք

Հայկական DANZ ակնոցներ՝ մանրակրկիտ աշխատանքի արդյունք

Banks.am-ն այցելել է ընկերության գործարան, հետեւել արտադրական գործընթացին, ինչպես նաեւ զրուցել DANZ-ի հիմնադիր-տնօրեն Հարություն Հուլունյանի հետ հայկական ապրանքանիշի պատմության ու միջազգային շուկան նվաճելու ձգտումների մասին:

 

Արտադրության մեկնարկ

Ակնոցների արտադրություն հիմնելու համար ընկերությունում աշխատանքները մեկնարկել են դեռ եւս 2016 թվականից՝ շարունակաբար ուսումնասիրելով միջազգային փորձն ու փնտրելով լավագույն լուծումները:

 Լուսանկարը՝ DANZ

 
Լուսանկարը՝ DANZ
 


«Հայաստանում ակնոցների արտադրությունն այնքան էլ զարգացած չէր: Թեեւ չունեինք մի նախատիպ, որից կկարողանայինք օրինակ վերցնել, ցանկանում էինք սկսել հայկական ակնոցների արդյունաբերական արտադրություն: Հետզհետե փորձ հավաքելով հասկացանք, որ ամբողջական գործընթացում պետք է ցույց տանք մեր հայ լինելն ու ընդգծենք հայի ձեռքի շնորհքը: Կարող ենք ասել, որ այժմ մեր արտադրական շրջափուլն իր գործողությունների հաջորդականությամբ ու աշխատանքով յուրօրինակ գործընթաց է»,- պատմում է Հարություն Հուլունյանը:

Հարություն Հուլունյանը Լուսանկարը՝ Մեդիամաքս

Հարություն Հուլունյանը
 
Լուսանկարը՝ Մեդիամաքս
 


Նրա խոսքով՝ իտալական հումք ու սարքավորումներ ձեռք բերելուց մոտ մեկ տարի անց՝ 2019 թվականին DANZ-ն արդեն ներկայանում է հայ սպառողի դատին:

Ձեռքի աշխատանքը՝ գերակշռող

DANZ-ում ընտրել են ակնոցների պատրաստման այն ձեւը, որն առավել շատ է ձեռքի մանրակրկիտ աշխատանք պահանջում: Բրենդի հիմնադիրը նշում է, որ արտադրական գործընթացում գլխավորը յուրաքանչյուր մանրուքին ուղղված ուշադրությունն է: Այս հարցում Հարությունին հատկապես օգնում է իր առաջին մասնագիտությունը՝ ատամնաբույժ լինելը:

 Լուսանկարը՝ DANZ

 
Լուսանկարը՝ DANZ
 


«Իմ աչքից ոչինչ չի վրիպում, տեսնում եմ անգամ ամենաաննշան թերությունն ու ուղղում: Մեզնից մոտ մեկ ու կես տարի ժամանակ է պահանջվել, որ թիմին սովորեցնենք այս ակնոցների արտադրությունը: Այդ ընթացքում ինքս որպես ղեկավար եւս շատ մեծ փորձ ձեռք բերեցի՝ հասկանալով, որ անգամ շատ պարզ թվացող գործողությունն առավելագույն ուշադրություն ու մանրակրկիտ աշխատանք է պահանջում»,- նշում է նա:

 Լուսանկարը՝ Մեդիամաքս

 
Լուսանկարը՝ Մեդիամաքս
 


Արտադրության ընթացքը՝ քայլ առ քայլ

DANZ-ի կողմից արտադրվում են ինչպես արեւային, այնպես էլ օպտիկական ակնոցներ: Շրջանակները պատրաստվում են ցելյուլոզային ացետատից (ֆրեզերնից), որը ճկուն է, թեթեւ, ջերմադիմացկուն ու հակաալերգիկ։

 Լուսանկարը՝ Մեդիամաքս

 
Լուսանկարը՝ Մեդիամաքս
 


Հումքից մինչեւ ակնոցի ստացում շրջափուլը 30-40 օր է տեւում, որովհետեւ յուրաքանչյուր ակնոց հատ առ հատ անցնում է բոլոր հաստոցներով ու ենթարկվում ձեռքով մանրակրկիտ մշակման:

 Լուսանկարը՝ DANZ

 
Լուսանկարը՝ DANZ
 


Նախապատրաստական փուլում գծագրի հիման վրա ընտրվում են գույները, հումքը կտրվում է եւ ուղարկվում առաջնային մշակման: Դրանից հետո առանձին պատրաստվում են ակնոցի դիմային հատվածն ու պոչերը:

 Լուսանկարը՝ Մեդիամաքս

 
Լուսանկարը՝ Մեդիամաքս
 


Յուրաքանչյուր հաստոց հատուկ գործողության համար է: 12 հաստոցների միջով անցնելուց հետո ակնոցի մասերը հատ առ հատ ձեռքով կոշտ մշակում են անցնում, իսկ տաքացման եղանակով երկաթե մասնիկների տեղադրումից հետո նորից են ձեռքով մշակվում՝ արդեն ավելի մանրակրկիտ ու նրբորեն:  

 Լուսանկարը՝ Մեդիամաքս

 
Լուսանկարը՝ Մեդիամաքս
 


Ակնոցի փայլը հաղորդվում է փայտե հատիկներով լցված փայլեցնող թմբուկ (полировочный барабан) սարքի միջոցով: Միայն այս գործընթացը 5 օր է տեւում՝ բացառելով որեւէ խազ:

 Լուսանկարը՝ Մեդիամաքս

 
Լուսանկարը՝ Մեդիամաքս
 


Թմբուկից ակնոցի հատվածները հանելուց հետո դրանք ձեռքով հավաքվում են ու կրկին փայլեցվում: Վերջին՝ պիտակավորման փուլում ակնոցները ստանում են DANZ - Made in Armenia մակնշումն ու գեղեցիկ փաթեթավորմամբ ուղեւորվում են խանութներ:


 Լուսանկարը՝ Մեդիամաքս

 
Լուսանկարը՝ Մեդիամաքս
 


Դեպի միջազգային շուկա

Ապրանքանիշի հայկականությունը փորձել են ընդգծել նաեւ բրենդի անվանումի միջոցով՝ ազգանվանակերտ –անց ածանցին միացնելով ակնոցի շրջանակի տեսքին նմանեցված D տառը:

 Լուսանկարը՝ DANZ

 
Լուսանկարը՝ DANZ
 


Այս պահին առկա 40 մոդելները ներկայացված են առնվազն 5 տարբեր գույներով, իսկ տեսականին անընդհատ համալրվում է նոր առաջարկներով:

 Լուսանկարը՝ Մեդիամաքս

 
Լուսանկարը՝ Մեդիամաքս
 


Արտադրանքը կարելի է գնել առցանց՝ այցելելով DANZ.am կայք, ինչպես նաեւ Երեւանի շուրջ 30 տարբեր խանութ-սրահներից: Ակնոցների գինը տատանվում է 21-29 հազար դրամի միջակայքում, որն արտադրողների պնդմամբ գին-որակ լավագույն հարաբերակցությունն է:

Ընկերության հիմնական նպատակն է դուրս գալ միջազգային շուկա ու ցույց տալ, որ հայկական ակնոցներն առավել քան մրցունակ են:

 Լուսանկարը՝ Մեդիամաքս

 
Լուսանկարը՝ Մեդիամաքս
 


«Ռուսաստանում օպտիկական եւ արեւային ակնոցների ցուցահանդեսի մասնակցելուց հետո հասկացանք, որ մեր արտադրանքը նորություն է նաեւ ռուսական շուկայի համար: Մեզ հաճախ էին զարմացած հարցնում՝ իսկապե՞ս այս ակնոցները Հայաստանում են արտադրվում: Եթե ինքս չլինեի այս գործընթացում, գուցե ես էլ չհավատայի»,- ասում է Հարություն Հուլունյանը:

Հարություն Հուլունյանը Լուսանկարը՝ Մեդիամաքս

Հարություն Հուլունյանը
 
Լուսանկարը՝ Մեդիամաքս
 


Նա հավելում է, որ արդեն իսկ ունեն արտադրանքի պատվերներ ռուսական շուկայում վաճառք սկսելու համար, ինչպես նաեւ պայմանավորվածություններ Ղազախստանում եւ Ուկրաինայում:

Գայանե Ենոքյան

Լուսանկարները՝ Էմին Արիստակեսյանի

Թեմայի այլ նորություններավելին
Բեյրութի բնակչուհիներից մեկը ծննդաբերելիս է եղել, երբ որոտացել է պայթյունը՝ ցնցելով հիվանդանոցը (տեսանյութ)
ավելին
Կոտայքի մարզային ենթակայության դպրոցներում իրականացված ֆինանսական վերաբաշխումների արդյունքում այս տարի շուրջ 500 մլն դրամ է հատկացվել՝ մարզի ավելի քան 40 դպրոցներում լայնածավալ շինարարական աշխատանքներ իրականացնելու նպատակով
ավելին
Հիմնանորոգվում է Սևան-Մարտունի-Գետափ ճանապարհի Երանոս-Ծակքար հատվածը,որի նախահաշվային արժեքը կազմել է 796 միլիոն դրամ, պայմանագրային արժեքը՝ 637,5 միլիոն դրամ
ավելին
Մարզկենտրոն Արմավիրում համայնքների տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրի բաղադրիչներից մեկով մեկնարկել են Չարենցի փողոցի Երևանյան-Շահումյան հատվածի կապիտալ նորոգման աշխատանքները
ավելին
Արագածոտնի մարզի Ապարան խոշորացված համայնքի Արագած և Վարդենուտ բնակավայրերում ժամանակակից զբոսաշրջային և գյուղատնտեսական ավան կկառուցվի
ավելին
ՀՀ տարածքային կառավարման և ենթակառուցվածքների նախարարությունում քննարկվել է ճանապարհների հիմնանորոգման ընթացքը
ավելին