Քիչ առաջ Երևանում՝ ժողովրդին հայտնի «15 կվարտալի կալցևոյի» հարևանությամբ, «Գուավա» առևտրի կենտրոնի դիմաց, Բաշինջաղյան փողոցում, Nissan Versa մակնիշի ավտոմեքենայում ընթացքի ժամանակ տեղի է ունեցել գազի բալոնի պայթյուն: Օպերատիվորեն ժամանել են ԱԻՆ Փրկարար ծառայության 2 մարտական հաշվարկ, ՀՀ ոստիկանության Պարեկային ծառայության պարեկները սահմանազատել են տարածքը և տեղում ուժեղացված ծառայություն են կատարել, որպեսզի հրշեջները կարողանան աշխատել: Դեպքի վայր է ժամանել նաև ոստիկանության Մաշտոցի բաժնի օպերատիվ խումբը՝ օրվա պատասխանատուի գլխավորությամբ: Ոստիկանությունը պարզում է վարորդի և վիրավորների ինքությունը:
ՀԺ-ի թղթակցի փոխանցմամաբ, պայթյունի հետևանքով երկու հոգի ստացել է թեթև մարմնական վնասվածնքներ: Տուժածներին առաջին օգնություն են ցուցաբերել շտապօգնության բժիշկները:
Լուսանկարները՝ «Հայկական ժամանակի»