Օգոստոսի 29-ին ՀՀ պաշտպանության նախարար Սուրեն Պապիկյանն ընդունել է ՀՀ-ում ԱՄՆ գործերի ժամանակավոր հավատարմատար Ուիլյամ (Չիպ) Լեյթինենին և պաշտպանության հարցերով նորանշանակ կցորդ, գնդապետ Քևին Սթիլին:
Պաշտպանության նախարարը շնորհավորել է գնդապետ Սթիլին՝ Հայաստանում առաքելությունն սկսելու կապակցությամբ և մաղթել արդյունավետ համագործակցություն:
Հանդիպման ընթացքում քննարկվել են պաշտպանության բնագավառում հայ-ամերիկյան համագործակցության ներկայիս ընթացքին, զարգացման հեռանկարներին, ինչպես նաև տարածաշրջանային անվտանգությանն առնչվող մի շարք հարցեր:
Նշենք, որ բացաի այդ, ԱՄՆ-ում 2023 թվականի սեպտեմբերի 25-ից 29-ը նախատեսվում է անցկացնել Հայաստան-ԱՄՆ գործարար համաժողով։ Այս մասին հաղորդագրություն է տարածել ՀՀ էկոնոմիկայի նախարարությունը։
Համաժողովին հրավիրվում են մասնակցելու գինեգործության, տեղեկատվական տեխնոլոգիաների, գյուղատնտեսության ոլորտների ներկայացուցիչներ:
Համաժողովի ընթացքում ԱՄՆ գործարար շրջանակներին կներկայացվեն Հայաստանի ներդրումային միջավայրը և գործարար հնարավորությունները։
Համաժողովը կանցկացվի Հայ-ամերիկյան գործարար խորհրդի հետ համատեղ։ Գործարար համաժողովի ընթացքում երկու երկրների գործարար համայնքների ներկայացուցիչներին կնձեռվի ազատ ձևաչափով շփման հնարավորություն:
ԱՄՆ այցի շրջանակներում նախատեսվում է այցելություն ԱՄՆ-ում «Հայկական գործարար անկյուն», որտեղ նախատեսվում է շրջայց տաղավարներով և ազատ ձևաչափով շփումներ գործարար համայնքների ներկայացուցիչների միջև:
Համաժողովը կանցկացվի Լոս Անջելես և Բըրբանք քաղաքներում։
Մասնակցել ցանկացողները կարող են գրանցվել հետևյալ հղումով։