Հայկական կողմը այս պահի դրությամբ ունի 105 զոհ: Այս մասին քիչ առաջ ԱԺ-Կառավարություն հարցուպատասխանի ժամանակ հայտարարեց ՀՀ վարչապետ Նիկոլ Փաշինյանը:
«Գլուխ եմ խոնարհում մեր նահատակների առաջ»,- նշեց նա:
Վերջինիս փոխանցմամբ՝ Ադրբեջանը Հայաստանի որոշակի տարածքների նկատմամբ հսկողություն է սահմանել, և այդ է պատճառը, որ ՀՀ-ն դիմել է ՀԱՊԿ-ին. «Մենք ՀԱՊԿ-ին դիմել ենք 4-րդ հոդվածով, որտեղ ասվում է՝ անդամ երկրներից մեկի դեմ ագրեսիան համարվում է ագրեսիա մյուս երկրների նկատմամբ: Մենք խնդրել ենք ռազմական օգնություն՝ ՀՀ-ի տարածքային ամբողջականությունը վերականգնելու և Հայաստանի տարածքից Ադրբեջանի ԶՈՒ-ի դուրս բերումը ապահովելու համար»:
Փաշինյանը հայտնեց, որ դիմումով նկատի ունեն նաև նախորդ տարվա մայիսին Սոթք-Խոզնավար տարածքի ներխուժումը: