ՌԴ ԱԳ նախարար Սերգեյ Լավրովը Երեւանում բացված «Պրիմակովյան ընթերցումներ» գիտափորձագիտական ֆորումի մասնակիցներին ուղղված ողջույնի ուղերձում հայտարարել է հայ-ռուսական դաշինքի ամուր հիմքի մասին։
«Ներկայիս արտագնա հանդիպումը տեղի է ունենում Հայաստանում մի տարում, երբ մենք նշում ենք մեր եղբայրական երկրների միջև դիվանագիտական հարաբերությունների հաստատման 30-ամյակը: Անցած տասնամյակների ընթացքում, հենվելով երկարամյա բարեկամության և փոխադարձ համակրանքի վրա, մենք կարողացել ենք ամուր հիմքեր դնել երկարաժամկետ գործընկերության և դաշինքի համար»,- ասվում է հաղորդագրության մեջ, որի տեքստն ընթերցել է Երևանում Ռուսաստանի Դաշնության դեսպան Սերգեյ Կոպիրկինը։«Այսօր դուք պետք է քննարկեք հարցերի լայն շրջանակ՝ ռուս-հայկական հարաբերություններից և հեռանկարներից մինչև Անդրկովկասում տարածաշրջանային համագործակցության խթանման ուղիները»,- ասվում է ուղերձում։
Ռուս նախարարը հույս է հայտնել, որ ֆորումի մասնակիցները կկարողանան օգտակար գործնական առաջարկություններ մշակել, որոնք կնպաստեն Հայաստանի և Ռուսաստանի ժողովուրդների միջև վստահության և փոխըմբռնման ամրապնդմանը։
