ԵԽԽՎ լիագումար նիստում րոպեներ առաջ որոշվեց քննարկել «Հայ ռազմագերիների, այլ գերեվարվածների և տեղահանված անձանց հարցը» սույն լիագումարի շրջանակներում։
Հարցի քննարկումը տեղի կունենա վաղը՝ ապրիլի 20-ին, օրվա երկրորդ կեսին։
Այս մասին Ֆեյսբուքի իր էջում գրել է ԱԺ պետաիրավական հարցերի մշտական հանձնաժողովի նախագահ, ԵԽԽՎ հայաստանյան պատվիրակության անդամ Վլադիմիր Վարդանյանը:
ԱԺ «Իմ քայլը» խմբակցության պատգամավոր, ադրբեջանագետ, ԵԽԽՎ հայաստանյան պատվիրակության անդամ Տաթևիկ Հայրապետյանը հայտնել է, որ
մինչ այդ հարցի քննարկումը հաստատվել էր ԵԽԽՎ Նախագահությունում և Բյուրոյում:
«Այս պահին հայկական պատվիրակությունն ամբողջ կազմով գտնվում է Ստրասբուրգում: Մեր՝ խորհրդարանականներիս, խնդիրն է, անկախ քաղաքական հայացքներից, այս հարցը հնչեցնել խորհրդարանական դիվանագիտության բոլոր հնարավոր հարթակներից:
Խորհրդարանական դիվանագիտությունը կարևոր գործիք է Ադրբեջանի նկատմամբ միջազգային ճնշումն ուժեղացնելու տեսանկյունից»,- Ֆեյսբուքի իր էջում գրել է Հայրապետյանը:
