Պաշտոնական բաքվի խուճապը գնալով մեծանում է, բառացիորեն ժամեր առաջ այս երկրի լրատվամիջոցները միաբերան ծոսում էին հայկական սադրանքի պատճառով Տավուշի մարզի սահմանագծում ընփացող մարտերի մասին, ինչպես միշտ նախահարձակ կողմի դերում ներկայացնելով հայկական կողմին, ավելի ուշ տեղի տալով փաստերի ճնշմանը ԱՀ ՊՆ-ն ստիպված ընդունեց սեփական բանակում 2 սպանվածի և 5 վիրավորի փաստը։ Այլապես հանելուկ էր, ինչպես է ստացվում որ նախահարձակ կողմի դիրքերի մոտ հայտնվում է ադրբեջանական բանակի ՈՒԱԶ-ը։ Իսկ այժմ բոլոր լրատվամիջոցները միալար խոսում են հայկական կողմի կորուստների մասին, որոնք իբր թաքցվում են մեր բանակի ղեկավարության կողմից։
Իսկ ահա ՀՀ ՊՆ մամուլի խոսնակ Շուշան Ստեփանյանը ֆեյսբուքյան իր էջում երկրորդ գրառում է կատարել, որում ասվում է.
«Դատելով ադրբեջանցիների մասսայական գաղթից իմ էջ, նաև նյարդային մեկնաբանություններից, մի բան կարելի է եզրակացնել՝ փաստորեն մեր զինծառայողները շատ հմտորեն են ցավացրել ադրբեջանցի զինծառայողներին, որոնք նախ օրը ցերեկով անհասկանալի պատճառով ուազիկով սահմանը խախտելու փորձ են ձեռնարկել և որոնց մեր զինծառայողները, որպես բարի կամքի դրսևորում, փախչելու հնարավորություն էին տվել»:
