Սեպտեմբերի 11-12-ին «Գաֆէսճեան» արվեստի կենտրոնում (Կասկադ) կանցկացվի Հայաստանի մարզերում ավանդական արհեստների՝ փայտի և քարի փորագրություն, տեքստիլ, ասեղնագործություն, գորգագործություն, կավագործություն և այլն վերականգնման գործընթացը խթանելու նպատակով կկազմակերպվի «Իմ ձեռագործ Հայաստան» փառատոնը:
Փառատոնի այցելուները երկօրյա միջոցառմանը հնարավորություն կունենան ձեռք բերել արհեստագործների ձեռագործ աշխատանքները և մասնակցել վարպետաց դասերի՝ զարգացնելով իրենց արհեստագործական հմտությունները: «Իմ ձեռագործ Հայաստան» փառատոնը միտված է ոչ միայն օգնելու վարպետներին, այլև նոր, հետաքրքիր հնարավորություններ ստեղծելու զբոսաշրջիկների ժամանցի կազմակերպման համար։
Ինչպես 21-րդ դարում ավելի լավ ներկայացնել ազգային արվեստն ու արհեստները։ Այս հարցին պատասխանում է փառատոնը, որը շնորհիվ զբոսաշրջիկները ծանոթանում են Հայաստանի տարբեր մարզերում ապրող ու ստեղծագործող վարպետների հետ, կապեր հաստատում, պահպանում կոնտակտները, հաճախ պատվերներ կատարում և նույնիսկ այցելում տվյալ մարզ, տեղում՝ աշխատանոցում, ծանոթանալու վարպետի ու նրա աշխատանքի հետ: «Իմ ձեռագործ Հայաստան» փառատոնը «Իմ Հայաստան» ծրագրի հիմնական նախաձեռնություններից մեկն է: Առաջին փառատոնը տեղի է ունեցել 2017-ի սեպտեմբերին: Արդեն 4-րդ տարին է, ինչ փառատոնը իրականացվում է «Տերյան» մշակութային կենտրոնի հետ համատեղ: