Երևանի ավագանին որոշում կընդունի առողջապահական համակարգում ներդրած նշանակալի ավանդի համար ՀՀ գիտության վաստակավոր գործիչ Հովհաննես Վազգենի Սարուխանյանին «Երևանի պատվավոր քաղաքացի» կոչում շնորհելու, «Երևանի հ. 100 հիմնական դպրոց» ՊՈԱԿ-ն անվանակոչելու, հողամասերի նպատակային նշանակությունները փոխելու մասին։
Օրակարգում ընդգրկված են նաև Երևանի 2021 թվականի բյուջեի վարչական մասի պահուստային ֆոնդից Ասիական բանկի աջակցությամբ իրականացվող ծրագրերի համար ավելի քան 2 մլն դրամ հատկացնելու, «Հրազդան գետի և Երևանյան լճի առափնյա տարածքների մաքրման բնապահպանական 2022 թվականի ծրագրով նախատեսված միջոցառումների իրականացման առաջնայնությունները և դրանց ֆինանսական համամասնությունները» ծրագիրը հաստատելու մասին և այլ հարցեր:
