ԼՂ-ից բռնի տեղահանված այն արցախահայերը, որոնք ունեն ժեստերի լեզվով հաղորդակցության կարիք, ստանում են անհրաժեշտ ծառայություններ Գորիսի պետական թատրոնում։
Այս մասին հայտնում է ՀՀ աշխատանքի և սոցիալական հարցերի նախարարությունը:
Անհրաժեշտության դեպքում բռնի տեղահանված անձինք կարող են դիմել նաև «Հայաստանի Խուլերի Միավորում» հասարակական կազմակերպությանը․ վերջիններիս կտրամադրվի ժեստերի լեզվով անվճար և շուրջօրյա հաղորդակցման ծառայություններ տեսազանգի միջոցով։
Ծառայությունից օգտվելու համար կարող են դիմել և՛ խուլ անձինք, և՛ նրանց հետ հաղորդակցվող աշխատողները կամ կամավորները։
