Օգոստոսի 28-ին ադրբեջանական ապօրինի անցակետում Արցախի Հանրապետության քաղաքացիների առեւանգումից հետո Ստեփանակերտում տեղեի է ունեցել բազմամարդ ինքնաբուխ հանրահավաք, որի պահանջով քաղաքական ուժերն Ազգային ժողովում հրատապ ընդլայնված խորհրդակցություն են անցկացրել, որին մասնակցել են նաեւ Արցախի Հանրապետության երկրորդ եւ երրորդ նախագահներ Բակո Սահակյանն ու Արկադի Ղուկասյանը։
Շուրջ 5 ժամ տեւած խորհրդակցությունից հետո, կեսգիշերն անց ԱԺ շենքի առջեւ հավաքված ժողովրդին մտահոգող հարցերին պատասխանելու դուրս եկավ Նախագահ Արայիկ Հարությունյանը, ով նախ փոխանցեց,որ լավ լուր ունի ապօրինի անցակետից առևանգված տղաների ճակատագրի մասին, գրում է,ինչի մասին կհայտնի նրանց ծնողներին։ Երկրի ղեկավարը հավաստիացրեց, որ քննարկվում է միայն մեկ ճանապարհի՝ Լաչինի միջանցքի բացման հարցը։
«Մենք մենակ ենք։ Մենք ընկերներ և աջակցություն չունենք։ Բոլոր հարցերը ձեզ հետ միասին կլուծենք»,-փաստեց Արայիկ Հարությունյանը։ Անդրադառնալով հացի սղության խնդրին Հանրապետության նախագահը նշել է, որ այն շուտով կկարգավորվի։ Այդուհանդերձ հավաքվածները վանկարկել են, որ իրենց պայքարը հացի խնդիր չէ, այլ հայրենի հողում իրենց ապրելու եւ ապագան կառուցելու։
Ինչ վերաբերում է որոշ անձանց պահանջներին Լաչինի միջանցքը բացելու և հեռանալու վերաբերյալ, Նախագահի խոսքով, հանրային լայն պահանջի դեպքում ցանկացողներին միջանցք կտան։
