Ռուսական խաղաղապահ զորախմբի մարդասիրական արձագանքման կենտրոնի մասնագետները «Մերսի» բարեգործական կազմակերպությունների ասոցիացիայի հետ համատեղ մարդասիրական ակցիա են անցկացրել Արցախի Հանրապետության Մարտունու շրջանի Աշան գյուղի մանկապարտեզի համար։ Լուրը հայտնել է ՌԴ ՊՆ-ն:
«Այսօր մարդասիրական ակցիա է անցկացվել Մարտունու շրջանի Աշան գյուղում։ Մանկապարտեզում 27 երեխա ստացել է ուսուցողական խաղեր, նկարչական հավաքածուներ, պլաստիլին»,-ասել է ռուսական խաղաղապահ կոնտինգենտի ներկայացուցիչ Ալեքսանդր Կուդրինը։
Խաղաղապահները մարդասիրական ակցիա են անցկացրել մանկապարտեզի շենքում, որտեղ երեխաներին հանձնվել են փափուկ և ուսումնական խաղալիքներ, ինչպես նաև գրենական պիտույքներ։
2022 թվականի առաջին եռամսյակում ռուս խաղաղապահները պլանավորել էին ավելի քան 30 մարդասիրական գործողություններ իրականացնել Արցախում։
