Արցախում տեղակայված ռուսական խաղաղապահ զորախմբի զինծառայողները սկսել են պատրաստվել Հայրենական մեծ պատերազմում Հաղթանակի օրվան նվիրված երթին, հաղորդում է ՌԴ ՊՆ-ն
Ստեփանակերտ քաղաքի օդանավակայանում 400 ռուս զինծառայող մասնակցում է վարժանքներին: Կենտրոնական ռազմական օկրուգի 15-րդ առանձին մոտոհրաձգային բրիգադի (խաղաղապահ) անձնակազմը, որը կազմում է Արցախում ռուսական խաղաղապահ զորախմբի հիմքը, մասնակցում է հանդիսավոր երթի փորձերին: Բացի այդ, փորձերին ներգրավված են Մարդասիրական արձագանքման կենտրոնի ստորաբաժանումների, ռազմական ոստիկանության, հատուկ բժշկական ստորաբաժանման, ՌԴ խաղաղապահ զորախմբի հրամանատարական խմբի, ինչպես նաև նյութատեխնիկական ապահովման ստորաբաժանումների անձնակազմերը:
Նախատեսվում է, որ Հաղթանակի 76-րդ տարեդարձի օրը `2021 թվականի մայիսի 9-ին, հանդիսավոր երթին կմասնակցի 10 ստորաբաժանում, յուրաքանչյուրում` մինչև 45 զինծառայող:
