Հայկական միասնական տեղեկատվական կենտրոնում ՀՀ ՊՆ ներկայացուցիչ Արծրուն Հովհաննիսյանը ճեպազրույցի սկզբում ներկայացրեց իրավիճակը ռազմաճակատում:
Այսօր ողջ օրվա ընթացքում հակառակորդը սահմանի ողջ երկայնքով շարունակել հարձակողական գործողությունները տարբեր ուղղություններով:
Ակտիվ է եղել ինչպես հյուսիսային, այնպես էլ կենտրոնական եւ հարավային ուղղությունները:
Կենտրոնական ուղղությամբ մարտական գործողություններ են ընթացել բնակավայրերի ուղղությամբ եւ այս պահին էլ շարունակվում են:
Հարավում տարբեր կետերում, տարբեր օջախների հատվածներում հակառակորդի տարբեր զորախմբերը փորձել են առաջխաղացում ապահովել ինչպես դեպի արեւմուտք, այնպես դեպի հյուսիս եւ հյուսիս-արեւմուտք: Առաջխաղացման բոլոր փորձերը կասեցվել են, որոշ տեղերում հետ են շպրտվել պատճառվելով զգալի թվով կորուստներ, այդ թվում նաեւ զրահատեխնիկայի:
Հիմնական գործողություններն ընթանում են հրետանային համազարկերի կիրառմամբ, նվազագույն հետեւակի կիրառմամբ, որոշ տեղերում օգտագործվել է օդային հարձակման միջոցներ: Խոցվել է եւս մեկ թուրքական արտադրության «Բայրաքթար» տեսակի ԱԹՍ:
