Ռուսական խաղաղապահ զորախումբը շարունակում է Լեռնային Ղարաբաղի տարածքում իրենց առջև դրված առաջադրանքների կատարումը: Ռուս խաղաղապահների կողմից 27 դիտակետերում իրականացվում է իրադրության շուրջօրյա մոնիթորինգ եւ հրադադարի ռեժիմի պահպանման վերահսկողություն:
Ռուսական խաղաղապահ զորախմբի պատասխանատվության գոտում արձանագրվել է հրադադարի ռեժիմի մեկ խախտում։
Նոյեմբերի 8-ին, ժամը 13.40-ին, Շուշիի շրջակայքում ադրբեջանական կողմից գնդակոծվել է Լեռնային Ղարաբաղի 4 հոգուց բաղկացած աշխատանքային խումբը, որի արդյունքում երեք մարդ վիրավորվել է, իսկ մեկը՝ սպանվել: Ռուսական խաղաղապահ զորախմբի հրամանատարությունը ադրբեջանական եւ հայկական կողմերի հետ համատեղ միջադեպի հետաքննություն է վարում:
Ռուս խաղաղապահները երեք երթուղիներով պարեկություն են իրականացրել Մարդակերտի, Մարտունու և Շուշիի շրջաններում ։
Ընդհանուր առմամբ, 2020 թ. նոյեմբերի 23-ից ռուսական խաղաղապահ զորախմբի ինժեներա-սակրավորական խմբերի կողմից չպայթած զինամթերքից մաքրվել է 2 311,5 հա տարածք, 683 կմ ճանապարհ, 1 937 շենք, հայտնաբերվել և վնասազերծվել է 26 078 պայթուցիկ նյութ:
Ռուսական խաղաղապահ զորախմբի պատասխանատվության գոտում հնարավոր միջադեպերի կանխման ջանքերը համակարգելու համար շարունակական փոխգործակցություն է պահպանվում Ադրբեջանի եւ Հայաստանի զինված ուժերի գլխավոր շտաբների հետ:
