«Մենք արձանագրում ենք, որ Եվրամիությունը, ԱՄՆ-ը և մյուս բոլոր միջազգային սուբյեկտները չեն կարողացել ապահովել Լեռնային Ղարաբաղի հայերի իրավունքները և անվտանգության երաշխիքները՝ չնայած բազմաթիվ հայտարարություններին»:
Այս մասին X-ի (նախկին՝ «Թվիթեր») միկրոբլոգում գրել է ՀՀ հատուկ հանձնարարություններով դեսպան Էդմոն Մարուքյանը։
Նա հիշեցրել է, որ իրենց միջնորդական ջանքերի ընթացքում այդ գործիչները բազմիցս հայտարարել են, որ Լեռնային Ղարաբաղի հայերի իրավունքներն ու անձեռնմխելիությունը պետք է երաշխավորվեն միջազգային մեխանիզմների շրջանակներում, որոնք նրանց թույլ կտան ապահով ապրել իրենց նախնիների հողում: